Ayngaran International

ஆர்.கண்ணன் இயக்கத்தில் அதர்வா – அனுபமா நடிப்பில் புதிய படம்

News Date: 26th Nov, 19

ஆர்.கண்ணன் இயக்கத்தில் அதர்வா, அனுபமா நடிப்பில் உருவாகி வரும் புதிய படம் இறுதி கட்டத்தை எட்டியுள்ளது. ''100'' திரைப்படத்திற்குப் பிறகு அதர்வா தற்போது இயக்குனர் கண்ணன் இயக்கும் புதிய படத்தில் நடித்து வருகிறார். இப்படத்தில் அவருக்கு ஜோடியாக பிரேமம், கொடி போன்ற படங்களில் நடித்த அனுபமா பரமேஸ்வரன் நடிக்கிறார்.

குடும்பம் மற்றும் உறவுகளை மையப்படுத்தி இப்படம் உருவாகி வருகிறது. இன்னும் பெயரிடப்படாத இப்படத்தில் அதர்வா பிஎச்.டி பட்டதாரியாகவும், அனுபமா பரதநாட்டிய நடன மங்கையாக நடிக்கிறார்கள்.

இப்படத்தின் முதல் கட்ட படப்பிடிப்பு ஜூலை மாதம் இறுதியில் தொடங்கியது. விறுவிறுப்பாக நடைபெற்று வந்த இந்த படப்பிடிப்பு தற்போது இறுதி கட்டத்தை நெருங்கியுள்ளது. விரைவில் படப்பிடிப்பு முடிந்து பின்னணி வேலைகள் தொடங்க இருக்கிறது. அதனை தொடர்ந்து பர்ஸ்ட் லுக் போஸ்டரை வெளியிட இருக்கிறார்கள்.

More News